Solapas principales

O Punto de Limpo de Ames rexistrou 549 entradas no mes de outubro

Miércoles, 06 de noviembre de 2019

O centro de depósito de residuos do Punto Limpo de Ames, situado no polígono do Milladoiro, rexistrou 549 visitas durante o pasado mes de outubro. Das achegas feitas ao longo o mes pasado destacan fundamentalmente os residuos eléctricos e electrónicos que se achegaron aos 2.664 quilogramos. Este servizo municipal, inaugurado en xaneiro de 2007, está xestionado pola empresa Urbaser.

O número de veciños e veciñas que fan uso do Punto Limpo para depositar alí todo tipo de residuos incrementouse nos últimos anos, signo de que a veciñanza é cada vez máis consciente da importancia que ten facer un uso correcto dos residuos que non van os colectores convencionais. Durante o mes de outubro os veciños e veciñas de Ames entregaron 2.664 quilos de equipos electrónicos, 100 quilogramos de envases baleiros contaminados e 60 quilos (8 unidades) de pneumáticos que se atopaban fóra de uso. Tamén se entregaron 47 unidades de tubos fluorescentes e outras lámpadas, 85 quilos (7 unidades) de baterías de chumbo, 11 quilogramos (400 unidades) de pilas e 7 unidades de aerosois.

Os entullos procedentes de obras menores supuxeron 15 metros cúbicos, aos que se sumaron 30 metros cúbicos de plásticos, 20 de metais e outros 60 de madeira, así como 60 quilogramos de pintura. Os veciños e veciñas tamén achegaron 70 litros de aceites vexetais e outros 34 de aceite de motor. O Punto Limpo tamén recolleu 6 metros cúbicos de roupa, 9 de papel e outros 75 de voluminosos como colchóns, sofás e escumas.

Horarios e teléfono de contacto
O Punto Limpo está situado na rúa das Hedras do polígono Novo Milladoiro e ata alí poden achegarse todos os veciños e veciñas de Ames para desfacerse de aqueles obxectos e materiais que non van aos colectores convencionais de materiais orgánicos, inorgánicos, vidro ou papel.

O centro está aberto preto de 40 horas semanais en xornada de mañá e tarde entre luns e o sábado. Así, o Punto Limpo abre de luns a venres de 10:00 h a 14:00 horas e de 16:00 h a 18:00 horas. Os sábados o horario é de 9:00 h a 14:00 horas e de 16:00 h a 20:00 horas. As persoas que teñan calquera dúbida poden chamar ao teléfono 981 53 66 88. Para a recollida de voluminosos e enseres a domicilio, a cidadanía que chamar ao número de teléfono 981 19 12 40.

punto limpo 1

Multimedia

  • punto limpo 2
  • punto limpo 3
  • punto limpo 4