Solapas principales

O Concello de Ames informa que está permitido o servizo de entrega a domicilio por parte do sector hostaleiro durante o estado de alarma

Lunes, 23 de marzo de 2020

O Concello de Ames, tras poñerse en contacto coa Conselleira de Turismo e coa Asociación de Hostaleiros da Provincia da Coruña, confirma que está permitido o servizo de entrega a domicilio por parte do sector hostaleiro durante o estado de alarma provocado polo COVID-19. O que non está permitido é que a clientela recolla o pedido nos establecementos hostaleiros.

Desta maneira, unicamente é preciso que quen faga a entrega conte coa licencia pertinente de apertura de establecemento hostaleiro, como poder ser a licenza de café-bar ou restaurante, sen ter que cumprir ningún outro requisito a maiores. Polo tanto, sempre que se cumpra esa condición poderán prestar dito servizo sen problema.

Iso si, tanto a Consellería de Turismo coma a Asociación de Hostaleiros da Provincia da Coruña recalcan que só esta permitida a entrega a domicilio. O feito de que os clientes/as acudan ao establecemento a recoller o pedido non está permitido durante o estado de alarma.

Avenida da Maía