O encontro comezará cunha historia inicial, tras a que os diferentes equipos terán que ir superando probas, resolvendo enigmas, buscando pistas e conseguindo información que lles permita reconstruír o sucedido. Cada proba superada permitirá achegarse un pouco máis á solución, polo que será fundamental observar, relacionar información, empregar o enxeño e traballar en equipo.

Con esta premisa, o obxectivo é que os participantes sexan os protagonistas desta experiencia de misterio e aventura, e que, mediante a colaboración entre uns e outros, consigan descubrir o que ocorreu e resolver esa incógnita agochada no Milladoiro.

Se as condicións meteorolóxicas o permiten, aproveitaranse tamén os espazos exteriores do Milladoiro, facendo que os equipos teñan que desprazarse e localizar diferentes probas e pistas para avanzar na investigación. En caso de mal tempo, a actividade adaptarase para poder desenvolverse no espazo interior.

Distrito 13 17
O Club Xuvenil de Ames Distrito 13 17 é un espazo pensado para a xente nova de 13 a 17 anos (nados entre 2013 e 2008) con ganas de pasalo ben, coñecer xente, crear, participar e facer cousas diferentes. Este proxecto de lecer busca dinamizar e promover a participación da xuventude a través dunha batería de actividades lúdicas e formativas de diversa temática.

Inscricións
As persoas interesadas en participar poderán inscribirse a través deste formulario dixital ou a través do código QR da cartelaría. A data límite para inscribirse será, coma sempre, o xoves previo á actividade. Para calquera dúbida, podes contactar con Anacos Educativos, no email info@anacoseducativos.com ou no teléfono 694 216 484.