Beatriz Martínez, con formación en Empresariais, xestionou durante sete anos un centro de estudos en Ourense. Ademais, foi presidenta da ANPA do IES do Milladoiro entre 2016 e 2019 e concelleira de goberno no mandato 2019–2023, xestionando as áreas de Mobilidade, Tráfico e Transporte. Actualmente desempeña tarefas administrativas no Gabinete de Alcaldía do Concello de Ames.

Con esta incorporación, Martínez asumirá as áreas de Educación, Mocidade e Mobilidade, esta última xa coñecida para ela pola súa experiencia no mandato anterior. Pola súa banda, o edil Víctor Manuel Fernández Prieto continuará á fronte das áreas de Urbanismo, Administración Xeral, Persoal e Seguridade.

A nova concelleira conta cunha ampla experiencia na administración local, desenvolvendo toda a súa carreira profesional no Concello de Ames, o que garante continuidade e solvencia na xestión municipal.

A xa ex-concelleira, Carmen Porto Rey, despedirase no vindeiro pleno e explicou que deixa o cargo por “motivos estritamente persoais que me impiden seguir desenvolvendo a miña labor coa dedicación que este posto require”.

Desde o Goberno municipal queren poñer en valor o traballo realizado por Carmen Porto e desexarlle o mellor nesta nova etapa. O alcalde, Blas García, agradeceu “a dedicación e perseveranza demostrada á fronte das áreas que xestionou, sacando adiante reformas de gran calado”.

Novas relacionadas: 

La Voz de Galicia: "Carmen Porto renuncia al cargo de edila de Educación de Ames y deja el acta"

El Correo Gallego: "Porto renuncia a Educación en Ames por motivos personales tras un convulso mandato"

Lindeiros: "A concelleira de educación de Ames, Carmen Porto, abandona a corporación"

Xornal de Compostela: "Beatriz Martínez asumirá as áreas de Educación, Mocidade e Mobilidade no Concello de Ames logo da renuncia de Carmen Porto"