- Tematica
Dende este martes, 2 de maio, está aberto o prazo para inscribirse nunha nova actividade de animación á lectura, desta volta na biblioteca de Bertamiráns, na que se organizan tres sesións de contacontos. Celebraranse os días 9, 10 e 11 de maio ás 17:30 horas, e están dirixidos a crianzas de entre 3 e 8 anos. Para anotarse é preciso enviar un correo electrónico ao enderezo biblioteca@concellodeames.gal, indicando nomes, apelidos, idades dos nenos/as e un teléfono de contacto. Tamén se pode chamar ao número 981 884 829. Para consultar a programación de contacontos do primeiro semestre do ano ao completo pódese premer nesta ligazón.
“Contos de bichiños” é a nova proposta de contacontos do departamento de Bibliotecas do Concello de Ames, dentro da súa programación para este primeiro semestre do ano. Trátase de seis sesións de contacontos para nenos e nenas de entre 3 e 8 anos, que se desenvolverán tanto en Bertamiráns (o martes 9, o mércores 10 e o xoves 11 de maio) como no Milladoiro (o martes 30, o mércores 31 de maio e xoves 1 de xuño). Todas as sesións terán lugar ás 17:30 horas.
O prazo de inscrición xa está aberto para as sesións que van ter lugar na biblioteca de Bertamiráns, dende hoxe, martes 2 de maio, ata o vindeiro sábado, día 6. No caso das inscricións da biblioteca do Milladoiro, deberán facerse entre o 22 e o 27 de maio, escribindo a biblioteca@concellodeames.gal e indicando nome, apelidos, idade dos nenos/as e teléfono de contacto; ou chamando ao 981 530 807.
