Os cursos teñen unha parte teórica e práctica que se darán en conxunto de forma que a formación sexa dinámica. Na parte teórica traballaranse conceptos psicolóxicos tanto da vítima como do agresor e o código penal.

Ademais, haberá unha parte de desenvolvemento do control das cinco claves que contempla o programa de Método Mas como son a respiración, a observación, a valoración, a estratexia e a técnica. Tamén se traballará todo tipo de prevención para situacións de risco que nos leven a evitar todo tipo de enfrontamento físico, pero se este non é evitable as persoas participante aprenderán un gran amplo abanico de técnicas de defensa.

A concelleira de de Benestar Social e Igualdade, Uxía García, explica que “é importante para a seguridade de calquera muller, saber previr este tipo de situacións, manter a calma e actuar correctamente cando se produce algún tipo de agresión. Estes cursos xa se impartiron no pasado mes de setembro, e tralo éxito de participaron que tiveron, volvemos a organizar unha nova edición con motivo da programación do 8M”.

A finalidade dos cursos é que a muller teña ferramentas suficientes para sentirse segura nunha situación de risco en todos os ámbitos da súa vida. Dita formación estará impartida por Juan José Martínez de Método Mas e está dirixida a mulleres maiores de idade. Juan José Martínez é instrutor de Kung-fu pola Federación Galega e adestrador de defensa persoal feminina titulado pola Federación Galega de Kung-fu e pola Secretaría Xeral para o Deporte da Xunta de Galicia.

Para participar nestes cursos hai que inscribirse previamente enviando un correo electrónico a servizos_sociaisberta@concellodeames.gal / servizos_sociaismilla@concellodeames.gal ou chamando aos número de teléfono 981 89 09 64 / 981 53 59 41 das Unidades Municipais de Servizos Sociais de Bertamiráns ou do Milladoiro.