Os 1.890 rapaces e rapazas que cursan estudos de segundo ciclo de educación infantil e primaria están repartidos en 7 centros públicos do municipio. O CEP de Ventín é o que maior número de alumnado ten matriculado con 541 rapaces e rapazas que cursan educación primaria. A continuación, séguenlle de preto dous CEIP situados na área de Bertamiráns; como son Agro do Muíño con 475 alumnos/as (110 de infantil e 365 de primaria) e A Maía con 440 nenos e nenas matriculados/as (120 de infantil e 320 de primaria).

Ademais, o CEIP de Barouta conta con 191 alumnos/as (53 de infantil e 138 de primaria). Na EEI Milladoiro hai 205 nenos e nenas matriculados/as no segundo ciclo de infantil. Nas dúas escolas unitarias que seguen funcionando no concello hai 38 alumnos/as (19 na escola unitaria de Covas e 19 na escola de Ortoño).

Educación secundaria, bacharelato e formación profesional
Hoxe tamén comezou o curso escolar nos centros de educación secundaria, bacharelato e formación profesional. Nos institutos de Ames hai matriculados 1.331 mozos e mozas. No IES de Ames, situado en Bertamiráns, están matriculados 785 alumnos/as (519 cursan secundaria, 178 bacharelato e 88 FP en todas as variedades); mentres que no IES Milladoiro hai matriculados 546 mozos e mozas (417 cursan ESO e 129 bacharelato).

A estes datos hai que engadir 319 alumnos/as matriculados no colexio Alca (41 de infantil, 112 de primaria, 119 de secundaria e 47 de bacharelato). Trátase do único centro concertado de Ames no que se cursan estudos de infantil, primaria, secundaria e bacharelato.

Primeiro ciclo de educación infantil
Por último, nas escolas infantís de 0 a 3 anos hai escolarizados/as 254 alumnos/as. Na escola infantil municipal A Madalena, no Milladoiro, hai 75 cativos, e outros 75 na escola infantil municipal O Bosque, en Bertamiráns. Pola súa banda, nos centros da Galiña Azul do concello, en Bertamiráns matriculáronse 59 nenos e nenas, mentres que no Milladoiro hai 45 alumnos/as. Os datos das escolas da Galiña Azul poderían aumentar xa que durante este mes de setembro podería haber altas de novos nenos e nenas.

O alcalde de Ames, Blas García, destaca “comezamos un novo curso escolar con normalidade nos centros educativos de Ames, unha boa noticia para as familias e para toda a comunidade educativa. Este ano son 3.794 os nenos, nenas e mozos e mozas escolarizados no noso municipio, unha cifra que dá conta da dimensión e da importancia da comunidade educativa de Ames”.

Servizos complementarios de educación e conciliación
Ademais, ao longo da xornada de hoxe comezaron a funcionar os servizos complementarios de educación e conciliación (Bos días cole, Comedores escolares e Tardes divertidas), que contan cun total e 1.816 alumnos/as inscritos de educación infantil e primaria. O alcalde de Ames, Blas García, e a concelleira de Educación, Beatriz Martínez, achegáronse hoxe ao mediodía ao comedor do CEP de Ventín para comprobar como comezaba o servizo de comedor neste centro educativo.

O rexedor municipal dixo “quero destacar tamén o esforzo que se fai desde o Concello para acompañar as familias máis alá do horario lectivo. Os servizos de comedor, Bos días cole e Tardes divertidas permiten facilitar a conciliación e dar resposta ás necesidades das familias. Só o servizo de comedor é utilizado por 1.216 alumnos e alumnas, preto do 65 % do alumnado de segundo ciclo de infantil e primaria dos centros públicos de Ames, o que reflicte tanto a necesidade destes servizos como a confianza das familias no modelo municipal”.

“Desde o Concello de Ames seguiremos traballando para manter e mellorar estes servizos ao longo do tempo, consolidando unha rede municipal de conciliación, que é xa un referente a nivel estatal e que queremos seguir fortalecendo para dar resposta ás necesidades das familias”.

Usuarios/as da Rede municipal de comedores escolares, Bos días Cole e Tardes Divertidas
A Rede municipal de comedores escolares conta actualmente con 1.216 alumnos/as matriculados (98 teñen algún tipo de intolerancia alimentaria). No servizo de Bos días cole hai inscritos 450 nenos e nenas, mentres que en Tardes divertidas matriculáronse 150 rapaces e rapazas. Estes datos poden sufrir variacións xa que durante os primeiros días do curso pode haber baixas e altas. 

Os datos dos servizos complementarios de educación e conciliación divididos por centros son os seguintes: na EEI do Milladoiro hai matriculados 205 alumnos/as dos cales 52 utilizan o programa Bos días cole, 139 o comedor, e 44 as Tardes divertidas. No CEP de Ventín contan con 541 nenos e nenas, e 105 van a Bos días cole, 334 ao comedor e 29 a Tardes divertidas. No CEIP da Maía teñen 440 alumnos/as, dos cales 82 fan uso de Bos días cole, 266 do comedor, e 51 das Tardes divertidas.

No CEIP Agro do Muíño hai 475 alumnos/as e 172 utilizan o Bos días cole, 346 o comedor e 25 as Tardes divertidas. En Barouta están matriculados 191 nenos/as, dos cales 24 van a Bos días cole, 105 ao comedor e 1 a Tardes divertidas. Na escola unitaria de Ortoño hai 19 alumnos/as, e 7 van a Bos días cole e 14 ao comedor. Por último, na escola unitaria de Covas hai outras 19 nenos e nenas, dos cales 8 utilizan o Bos días cole e 12 o comedor.
 
Tendo en conta estes datos hai que dicir que dos 1.890 alumnos e alumnas que cursan estudos de segundo ciclo de infantil e primaria nos centros públicos de Ames, un total de 1.216 utilizan a Rede municipal de comedores escolares, o que representa preto do 65% do total.

Novas relacionadas

El Correo Gallego: "Ames eleva a 4.800 alumnos matriculados frente a los 3.497 de la Xunta e incluye a los menores de tres años"