O evento arrincará ás 10.00 horas da mañá cunha inauguración na que participará unha delegación do Concello de Ames formada polo alcalde, Blas García, a primeira tenente de alcalde, Susana Señorís e a concelleira de Servizos sociais, Igualdade e Voluntariado, Uxía García. Tamén intervirán na apertura o director xeral de Familia, Inferencia e Dinamización Demográfica, Jacobo Rey Sastre, o presidente da Sociedade Galega de Nefroloxía, Jesús Calviño e o presidente de Alcer Galicia, Rafael González.

Durante a mañán, sucederanse os relatorios de profesionais expertos en distintas áreas de coñecemento arredor das enfermidades renais crónicas e como afrontalas, tanto os pacientes como os seus achegados. As xornadas preséntanse como unha oportunidade de intercambio de coñecemento e ensinanzas.