- Tipo
- Tematica
O Concello de Ames presenta unha ampla e variada programación con Apego para os meses de setembro, outubro, novembro e decembro de 2025. O obxectivo central de todas estas actividades é achegarlles recursos e propostas creativas ás familias para facilitarlles a transmisión da lingua e favorecer unha crianza positiva e con moito apego polo noso.
Actividades para as crianzas dende setembro ata decembro
Nos meses de setembro, outubro, novembro e decembro as familias poderán gozar dun feixe de actividades lúdicas e participativas que lles achegarán recursos para unha crianza positiva, natural e creativa. Neste programa inclúense propostas do departamento de Normalización Lingüística e dos departamentos de Cultura e Bibliotecas.
O venres 21 de novembro, ás 17.30 horas, o auditorio da Casa da Cultura do Milladoiro acollerá o "Obradoiro de masaxes: música na pel" de espazo educativo Arkhé. Nesta proposta, as familias aprenderán unha rutina de masaxes equilibrada entre movementos estimulantes e relaxantes, xunto cunha mestura de arrolos, cancións tradicionais e xogos de tacto cos que axudar a durmir aos bebés.
