O día 16 de marzo inaugurarase a última iniciativa da programación organizada polo Concello de Ames con motivo da conmemoración do Día de Rosalía, a exposición "O herbario de Rosalía". Trátase dunha mostra na que se recolectarán diversas plantas e flores plasmadas na obra da escritora, e que estará aberta aos visitantes ata o domingo 2 de abril, no Pazo da Peregrina (Bertamiráns). Ás 13:45 horas terá lugar a plantación da camelia híbrida doada pola Fundación Rosalía, e ás 14:00 horas procederase á inauguración do espazo.