A primeira en celebrarse será a gran gala de beleza masculina, ás 16.30 horas. De seguido comezará ás 19.30 horas a gala de beleza feminina. Trátase dunha xornada chea de elegancia, moda, pasarela e espectáculo na que se coñecerán os/as catro novos/as Mister e Miss RNB Galicia provinciais.

Neste encontro, os representantes de A Coruña, Lugo, Ourense e Pontevedra competirán durante a gala para converterse nos elixidos para representar ás súas respectivas provincias no certame a nivel nacional, en Mister e Mis RNB España 2027. As entradas xa están á venda na páxina web do certame, e a apertura de portas do auditorio da Casa da Cultura será media hora antes do comezo de cada gala.

Reinado Nacional de Beleza
Este certame nace no ano 2019, e cada ano reúne a 52 candidatos e 52 candidatas, en total 104 participantes, representantes das provincias e cidades autónomas.

Segundo os presidentes desta organización, Juan Delgado e Jesus Bueno, os obxectivos deste certame son a promoción turística de localidades de todo o país, a través dos/as candidatos/as. Estes, non só son valorados polo seu físico, se non que buscan reflectir valores e principios como as calidades artísticas, o fomento do deporte e un estilo de vida saudable, proxección en moda e televisión, confianza e oratoria ante o público, e moitos outros aspectos.