O xoves 8 de febreiro, Tuco Cerviño presenta no Pazo da Peregrina de Bertamiráns “Un taxi verde e un concerto”, da editorial Galaxia. Trátase dun intenso relato polo que transita a memoria da familia, que se remonta ata o século XIX, con historias de masóns, republicanos, socialistas, galeguistas, conservadores, falanxistas, peronistas; desterros, cadea, exilio, depuracións, tribunais franquistas, emigración, viaxes, revolucións. A Guerra Civil e as súas consecuencias.