O programa Apego comeza a súa programación habitual para as crianzas amesás neste mes de setembro. Desta volta, organizan o concerto “Son animal” de Paco Nogueiras. Trátase dun espectáculo musical dedicado aos sons dos animais, que nos convida a bailar e a cantar divertidas cancións en familia con estilos musicais moi variados, dende pezas con raíz tradicional ata ritmos electrónicos, rock&roll ou rap. Esta actividade, que é de balde, celebrarase o venres 11 de setembro, ás 18.00 horas, na Casa da Cultura de Bertamiráns. O prazo de inscrición está aberto desde hoxe, xoves 3 de setembro, ata o vindeiro día 10.