Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

O departamento de Educación do Concello de Ames fai públicas as listaxes definitivas de nenos e nenas admitidos e excluídos no programa de conciliación Entroido Lúdico 2025, para a EEI do Milladoiro, o CEP Ventín e o CEIP A Maía.

Naturgy informa que, nun prazo estimado de 8 a 12 horas a partir desta comunicación, tense previsto iniciar o vertido no embalse do Tambre, polo que se espera o incremento no caudal do río augas abaixo da presa, e o posible enchido da canle. Recoméndase adoptar medidas preventivas e estar alerta. Se vives ou te desprazas pola zona, extrema as precaucións.

O Concello organiza, por terceiro ano consecutivo, un cocido para as persoas maiores do concello. Trátase dun xantar que se celebrará o martes 4 de marzo, martes de Entroido, a partir das 14.00 horas, no pavillón de Bertamiráns. No xantar servirase cocido para as persoas maiores de 65 anos empadroadas en Ames. O xantar será gratis, pero haberá que reservar praza chamando, de luns a venres, en horario de 9.00 a 14.00 horas, aos números de teléfono: 881 074 730 / 669 119 431 / 662 377 044. O prazo para inscribirse estará aberto ata o 21 de febreiro. Posteriormente, haberá que retirar o tícket do xantar do 24 ao 28 de febreiro na Casa do Concello (departamento de Gabinete de Alcaldía) ou nas Casas da Cultura de Bertamiráns e do Milladoiro. Haberá servizo de autobús polas parroquias para acudir ao xantar e volver para casa. Anímase á veciñanza a acudir ao xantar disfrazados.