Solapas principales

Suspéndese as actividades deportivas exteriores deste martes, 11 de novembro, por condicións meteorolóxicas adversas

Martes, 11 noviembre, 2025
O Concello de Ames informa que debido ás condicións meteorolóxicas adversas de choiva e vento previstas para este martes, 11 de novembro, quedan suspendidas todas as actividades deportivas que se practican ao aire libre en instalacións municipais. Ante calquera incidencia provocada por esta serie de fenómenos meteorolóxicos adversos pode informar chamando á Policía Local de Ames ou á Agrupación de Protección Civil nos teléfonos 619 767 575 ou 673 178 888.

A Axencia Estatal de Meteoroloxía (AEMET) informa no boletín 323/71GAL emitido ás 12:00 horas do 11/11/2025, dun fenómeno meteorolóxico adverso de nivel LARANXA por CHOIVAS a partir das 22:00 horas do 11/11/2025 na Coruña (oeste e suroeste). A precipitación acumulada pode acadar os 80 mm en 12 horas.

Así mesmo, no boletín 322/71 emitido a mesma hora actualízanse os avisos por fenómenos meteorolóxicos adversos de nivel AMARELO por:

-CHOIVAS: en A CORUÑA (interior, oeste e suroeste) e PONTEVEDRA (Rías Baixas) a partir das 12.00h do día 11/11/2025 e OURENSE (sur) e PONTEVEDRA (interior e Miño) a partir das 00.00h. do día 12/11/2025.

-VENTOS: en A CORUÑA (noroeste, oeste e suroeste), LUGO (montaña e A Mariña), OURENSE (montaña) e PONTEVEDRA (Rías Baixas). Ventos do sur que poden acadar os 80 km/h. No noroeste, a zona máis afectada será o entorno de Fisterra. 

A CORUÑA (interior), LUGO (centro) e PONTEVEDRA (interior), con ventos do sur que poden acadar os 70 km/h. Dende as primeiras horas de hoxe ata o mediodía do día 12/11/2025. PONTEVEDRA (interior e Miño) dende as 00.00h do día 12/11/2025.

Descargas: 
137.34 KB
Alerta da Dirección Xeral de Emerxencias e Interior dun episodio de fenómenos meteorolóxicos adversos para Galicia (11-11-2025)