A Concellaría de Educación informa da apertura o próximo luns, 29 de xuño, do prazo de matrícula para o curso 2020-2021 nas escolas infantís de titularidade municipal. O prazo de matrícula permanecerá aberto ata o 13 de xullo. A documentación entregarase nas dependencias das propias escolas en horario de 9:00 a 14:00 horas. A documentación para facer a matrícula tamén se pode obter ao pé deste aviso.

É necesario sacar cita previa para realizar o trámite de matrícula. Para obter cita previa na EIM A Madalena hai que chamar ao número de teléfono 981 53 84 33 ou enviar un correo electrónico a eiamadalena@concellodeames.gal, mentres que para dispor de cita previa na EIM O Bosque hai que chamar ao número de teléfono 682 497 369 ou enviar un correo electrónico a eibertamirans@concellodeames.gal.

Debido á situación de alarma sanitaria, cumprirase estritamente o horario de cada cita, sendo estas individuais, non podendo acudir en ningún caso acompañados/as. Asemade, deberase ir provisto de máscara e gardaranse as distancias de seguridade. Haberá que agardar fóra ata que o persoal da escola facilite a entrada e levarase toda a documentación cuberta, xa que non se facilitará ningún obxecto de escritura.