Solapas principales

Expostos nas Casas da Cultura do Concello os debuxos realizados polos rapaces de Educación Infantil para a Semana da Mobilidade

Lunes, 9 diciembre, 2019
As Casas da Cultura do Milladoiro e de Bertamiráns acollen dende hoxe ata o próximo 15 de decembro os debuxos que realizaron os nenos e nenas de Educación Infantil dos centros de ensino do Concello con motivo da Semana da Mobilidade. Esta, desenvolveuse baixo o lema “Como te desprazas polo teu concello”.

Desta maneira, na Casa da Cultura de Bertamiráns exporanse os debuxos realizados polas alumnos e alumnas do Agro do Muíño, da Escola Unitaria de Covas e da Escola Unitaria A Igrexa (Ortoño). Mentres que na Casa da Cultura do Milladoiro o farán os debuxos dos nenos e nenas da Escola de Educación Infantil do Milladoiro.

Ademais, a concelleira de Mobilidade,  Beatriz Martínez quere “agradecer a todos os alumnos e alumnas os seus marabillosos debuxos e aos profesores e profesoras o seu esforzo para explicar aos pequechos do noso Concello en que consiste a mobilidade”.

Multimedia