Xa están esgotadas as prazas para asistir ao concerto PunkInfantil de Peter Punk e Brais das Hortas, o venres 16 de febreiro, ás 18.00 horas, na Casa da Cultura do Milladoiro. Trátase dun espectáculo musical e de clown ofrecido por Peter Punk e Brais das Hortas, un cantante punk e un cantante infantil condenados a compartir escenario que nos convidan a pasar un rato divertido nun concerto moi participativo.