Miércoles, 22 abril, 2020
- Tematica
Por mor das obras de accesibilidade e mellora das instalacións que se están a desenvolver nas Oficinas Xerais do Milladoiro, o Concello de Ames informa de que tanto Servizos Sociais como Rexistro pasan, temporalmente, á Casa da Cultura desta localidade. A atención nestes servizos esenciais será unicamente telefónica e telemática. A atención presencial estará motivada unicamente en razóns de urxencia precisará de cita previa.
Lémbrase que dende o pasado 16 de marzo de 2020 e durante o tempo que dure o estado de alarma, declarado polo Goberno do Estado, só se presta atención presencial naqueles servizos que son considerados esenciais: oficinas de rexistro de Bertamiráns e do Milladoiro; servizo municipal de novas tecnoloxías; servizos sociais; brigada municipal de obras e servizos; brigada municipal de medio ambiente; cemiterio municipal; seguridade e emerxencias; servizo de conserxería; e servizo de limpeza municipal.
A atención nestes servizos esenciais serán unicamente telefónica e telemática. A atención presencial motivada unicamente en razóns de urxencia precisará cita previa. Preme nesta ligazón para consultar os números de teléfono e correos electrónicos de contacto dos diferentes departamentos.
Ademais, lémbraselle a toda a cidadanía a posibilidade de tramitación telemática da totalidade dos procedementos municipais a través da Sede electrónica municipal.