Jueves, 25 junio, 2026
O Concello de Ames súmase á convocatoria da FEGAMP dun minuto de silencio mañá, venres 26 de xuño de 2026, ás 12:00 horas, diante da Casa do Concello en Bertamiráns e das Oficinas de Servizos Sociais no Milladoiro, debido ás devastadoras consecuencias do grave terremoto que afectou a Venezuela e que deixa tras de si unha gran cantidade de vítimas mortais e numerosos feridos.
A forte vinculación que une a Galicia con Venezuela, terra de acollida de miles de galegos e galegas, fai que sintamos esta traxedia especialmente próxima. Por iso, manifestamos publicamente o noso pésame ás familias das vítimas e o noso apoio ás persoas afectadas.
Ames é tamén unha terra de acollida, na que reside unha importante comunidade de veciños e veciñas de orixe venezolana que contribúen cada día ao desenvolvemento social, cultural e económico do noso concello. Neste momento de dor, queremos trasladarlles toda a nosa solidariedade, afecto e apoio, facéndolles chegar a nosa proximidade ante as consecuencias desta traxedia.