O Concello de Ames, a través do departamento de Bibliotecas municipais, informa sobre a cancelación da presentación do libro de literatura infantil “El Corazón sensible” de Yolanda Penas Varela. Deste xeito, quedan canceladas as presentacións previstas para este mércores, 8 de abril, ás 18.00 horas, na biblioteca do Milladoiro, e para o mércores, 29 de abril, ás 18.00 horas, na biblioteca de Bertamiráns. Estas actividades enmárcanse dentro da programación “Abril, mes do libro en Ames”.