O Concello de Ames informa de que, con motivo da celebración do festival Millarock, a parada de autobús situada xunto ao Centro de Saúde/Casa da Cultura do Milladoiro quedará temporalmente fóra de servizo durante o desenvolvemento do evento.

Como alternativa, habilitarase unha parada provisional na contorna da Escola Infantil do Milladoiro, que prestará servizo mentres permaneza vixente esta modificación.

O Concello agradece a comprensión da veciñanza e pide desculpas polas molestias que este cambio puntual poida ocasionar.