Debido a dita alerta de nivel amarelo por vento, choiva e tormentas, dende o Concello de Ames, infórmase que durante a xornada deste xoves, 5 de febreiro, queda pechado o paseo fluvial de Bertamiráns, a praia fluvial de Tapia e maila ponte de Piñeiro. 

A Dirección Xeral de Emerxencias e Interior comunícalles que, en previsión destes feitos, se adopten as medidas preventivas necesarias ante as citadas predicións meteorolóxicas e, no seu caso, alerten ou mobilicen aos medios e recursos a dispor. Ante calquera emerxencia hai que chamar ao 112.

No caso de precisar información máis puntual ou desagregada, chame ao Centro Integrado de Atención ás Emerxencias 112 Galicia, ou consulte a páxina web da AEMET: www.aemet.es, do CIAE 112: www.axega112.gal, e de Meteogalicia: www.meteogalicia.es.