A mostra itinerante sobre o Pacto Verde Europeo do centro EUROPE DIRECT A Coruña, pertencente á Deputación da Coruña, chega ao concello de Ames o día 6 de maio, onde poderá visitarse durante dúas semanas na Travesía do Porto. A cidadanía poderá achegarse de forma sinxela e didáctica aos obxectivos, retos e medidas climáticas e medioambientais que establece a Unión Europea para as vindeiras décadas. A localidade acollerá tamén unha actuación de malabares, equilibrios e acrobacias na rúa o día 10 de maio. Ese mesmo día, ás 12.30 horas, o deputado Antonio Leira acudirá ao acto de inauguración da exposición que se realizará na Travesía do Porto. Podes dispor de máis información premendo nesta ligazón.

A mostra "Nós somos Elas", promovida pola área de Igualdade da Deputación da Coruña e a Asociación Cultural Alexandre Bóveda foi inaugurada na praza da Maía, de Bertamiráns, pola deputada María Muíño, o o alcalde e tenente alcalde, Blas García e David Santomil, e as concelleiras de Cultura, Natividade González, de Benestar social e Igualdade, Luísa Feijóo, e de Mocidade e Normalización Lingüística, Escarlata Pampín. A mostra recolle imaxes do Arquivo Vidal con textos de 24 poetas.

Onte, 23 de marzo, inaugurouse ás 12.00 a exposición "Don Gaiferos polos camiños cara Compostela" na Casa da Cultura do Milladoiro. A mostra, organizada pola compañía compostelá Os monicreques de Kukas, estará aberta para todos os públicos en horario de 9.00 a 15.00 horas e de 16.00 a 22:00 horas até o venres, 26 de marzo. Á presentación, organizada polo O Concello de Ames, asistiron a concelleira de Cultura, Natividade González, a técnica do departamento de Cultura, María Vázquez, e os representantes da compañía Os Monicreques de Kukas, Marcelino de Santiago e Isabel Rey. Ademais, o 26 de marzo, a compañía poñerá en escena “Don Gaiferos”. A obra está dirixida a público familiar. As entradas xa están á venda na billeteira municipal.

A Casa da Cultura de Bertamiráns acolle ata o próximo 20 de marzo a exposición fotográfica “Memoria histórica. Covas en imaxes 1900-1980”. Con ela preténdese lembrar momentos, costumes e espazos que forman parte do pasado común de Ames, das aldeas e do conxunto de veciños e veciñas da parroquia, tanto das que son de aquí como de todas as persoas que decidiron instalarse e facer en vida en Covas. Está organizada pola Asociación veciñal de Covas, en colaboración co Concello de Ames.