A pasada semana inaugurouse na Casa da Cultura de Bertamiráns a exposición “A Orixe: diabetes, un camiño de vida”, unha mostra fotográfica sobre os distintos aspectos da vida con diabetes impulsada pola asociación ANEDIA, que chega ao concello de Ames da man da Concellaría de Promoción da Saúde. Está composta por unha escolma de 24 láminas nas que se recolle o percorrido despois de recibir o diagnóstico, empregando como fío condutor as distintas etapas do Camiño de Santiago dende O Barbanza. A mostra estará na Casa da Cultura de Bertamiráns ata o vindeiro 29 de novembro.

Antonte, 21 de outubro, inaugurouse no Pazo da Peregrina de Bertamiráns a exposición de fotografía EspadELA, unha mostra sobre feminismos e ruralidades impulsada pola cooperativa Arabías, que chega ao concello de Ames da man da Concellaría de Benestar Social. Está composta por unha escolma de arredor de 40 retratos grupais e individuais nos que as mulleres que participan expresan temas de interese como as diversidades, a relación co territorio, os activismos, a comunidade, os coidados das persoas maiores e dependentes, da terra ou da cultura e do patrimonio inmaterial. As participantes son dos concellos de Ames, Arzúa, Boiro, Brión, Carballo, Ordes, Touro ou Santiago de Compostela. Estará no Pazo da Peregrina ata o vindeiro 31 de outubro. 

O vindeiro luns, 21 de outubro, ás 17.00 horas, inaugurase á exposición de fotografía EspadELA. Trátase dunha exposición sobre feminismos e ruralidades, que estará no Pazo da Peregrina, en Bertamiráns, do 21 ao 31 de outubro. Esta mostra fotográfica é unha iniciativa da cooperativa Arabías, que chega ao concello de Ames da man da Concellaría de Benestar Social. Esta exposición está composta por unha escolma de arredor de 40 retratos grupais e individuais. As mulleres que participan expresan temas de interese como as diversidades, a relación co territorio, os activismos, a comunidade, os coidados das persoas maiores e dependentes, da terra ou da cultura e do patrimonio inmaterial. As mulleres que participaron son dos concellos de Ames, Arzúa, Boiro, Brión, Carballo, Ordes, Touro ou Santiago de Compostela.

Esta mañá inaugurouse na Casa da Cultura do Milladoiro a exposición itinerante do XVIII Certame de Arte Isaac Díaz Pardo, un dos premios á creación convocados pola Deputación da Coruña. Ao acto asistiron o alcalde de Ames, Blas García, e a deputada de Cultura, Natividade González, que estiveron acompañados dunha ampla representación de concelleiros/as do goberno municipal, así como dos grupos municipais do PP e do BNG. A mostra poderá visitarse no Milladoiro ata o 18 de xuño.