As bibliotecas municipais continúan neste inicio de primavera con diferentes actividades para a rapazada de Ames, na que se inclúen varias propostas de animación á lectura. Deste xeito, ao longo desta semana terán lugar as últimas sesións de contacontos programadas para o mes de marzo con “Contos de granxa” na Biblioteca do Milladoiro. Por outra banda, este vindeiro mércores, día 26, realizarase na Biblioteca de Bertamiráns a presentación da programación polo mes do libro en Ames.

A Biblioteca municipal de Ames, con moitvo do Día Mundial do Teatro que se conmemora o vindeiro 27 de marzo, presenta o obradoiro “Cinemakis”, dirixido para a rapazada a partir de 3º de primaria. A actividade desenvolverase o venres 21 de marzo no Milladoiro e o sábado 22 en Bertamiráns. O prazo de inscrición para participar estará aberto desde mañá, 10 de marzo, ata o vindeiro martes día 18. Para participar, é previso enviar un correo electrónico ao enderezo biblioteca@concellodeames.gal indicando nome, apelidos, curso e idade das crianzas participantes xunto cun número de teléfono de contacto.

A Biblioteca municipal de Ames, que xa presentou a súa programación de contacontos, continúa tamén cos obradoiros adicados á rapazada que cursa de 3º de primaria en diante. No mes de febreiro, como non podía ser doutra maneira, o obradoiro conmemora o Día de Rosalía, que se celebra o 23 de febreiro. O prazo de inscrición para participar no obradoiro “Día de Rosalía: crea e debuxa!” estará aberto do 10 ao 18 de febreiro. Durante o ano 2024 participaron 230 rapaces e rapazas nos obradoiros organizados nas bibliotecas de Bertamiráns e do Milladoiro.

Este mes de decembro retómase o programa “Encontros Literarios de Ames”, desta volta coa presentación de “A carón do lume”, a primeira obra da escritora Mónica Prego Franqueira. O encontro literario terá lugar este mércores, 18 de decembro, ás 20.00 horas, no Pazo da Peregrina de Bertamiráns, e marca o inicio da edición 2024-2025 deste programa. A entrada será libre ata completar aforo.