Avisos
Venres, 10 maio, 2024
O Concello de Ames informa da publicación do decreto desta Alcaldía número 1490/2024, de 10 de maio, a través do cal avocouse a competencia delegada na Xunta de Goberno local para a aprobación da listaxe de proxectos seleccionados para a súa pariticipación no Ames AV Lab - Laboratorio, para o impulso da nova produción audiovisual dende o Concello de Ames.
Venres, 10 maio, 2024
Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.
Venres, 10 maio, 2024
O Concello de Ames, a través da Concellaría de Obras e Servizos Básicos, informa de que o luns, 13 de maio, estará cortada ao tráfico a rúa do Pedregal, en Bertamiráns, debido ás obras que se están realizando nesta vía. Durante a xornada do día 13 executaranse traballos de fresado e asfaltado en dia rúa. Tratarase de facer estes traballos nunha única xornada, pero se non é posible, o corte de tráfico pode estenderse ao martes 14 e incluso ao mércores 15 de maio. Os vehículos poderán acceder aos garaxes, aínda que en momentos puntuais faranse cortes de acceso aos garaxes.
Venres, 10 maio, 2024
O Concello de Ames informa sobre a convocatoria de axudas para a promoción de actividades levadas a cabo no exercicio 2023 polos clubs e asociacións deportivas de Ames. A contía destinada a esta convocatoria ascende nesta anualidade aos 80.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar o pasado 4 de maio; polo que remata o 3 de xuño. Ao pé deste aviso pódense atopar as bases e os impresos de solicitude.
Venres, 10 maio, 2024
O Concello de Ames, a través da Concellaría de Benestar Social, informa de que ata o 3 de xuño está aberta a convocatoria de subvencións a entidades de iniciativa social sen ánimo de lucro para a promoción de actividades complementarias aos servizos sociais comunitarios e inclusión social. Con estas axudas búscase reforzar a colaboración coas entidades que leven a cabo actividades complementarias aos servizos sociais, e que favorezan a inclusión social, a saúde pública ou a formación laboral. Ao igual que en 2023, a contía total volve a acadar os 60.000 euros.
Venres, 10 maio, 2024
Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.
Martes, 7 maio, 2024
O Concello de Ames, a través do departamento de Persoal, fai pública a lista definitiva de admitidos e excluídos do proceso selectivo dunha praza de traballador/a social. Trátase dunha praza por concurso-oposición do art. 2.1 da lei 20/2021 incluída na oferta extraordinaria de emprego público de 2022 (estabilización).
Martes, 7 maio, 2024
O Concello de Ames, a través do departamento de Persoal, fai público o anuncio co decreto de contratación e bolsa de agarda do proceso selectivo para a contratación laboral temporal de tres peóns/as para o departamento de Medio Ambiente do Concello de Ames subvencionada a través do Programa PEL Concellos 2024.
Luns, 6 maio, 2024
O Concello de Ames informa sobre a publicación das listaxes provisionais de admitidas/os no programa municipal de Campamentos de verán 2024. As devanditas listas están publicadas na web municipal e nos taboleiros oficiais do concello. Haberá que comprobar o código asignado a cada usuario/a para saber se está admitido/a no campamento que fixo a inscrición. Poderanse facer as alegacións que se consideren oportunas. Posteriormente, o 16 de maio publicaranse as listas de admitidas/os definitivas. A información completa sobre o proceso de matrícula pódese consultar nas bases do programa.
Luns, 6 maio, 2024
Ata o 20 de maio está aberto o prazo de inscrición para participar na Escola de Verán, unha oferta educativa e de ocio concibida para conciliar a vida laboral e familiar da veciñanza de Ames durante o período non lectivo dos meses de xullo e agosto. O servizo está dirixido aos nenos e nenas escolarizados no segundo ciclo de Educación Infantil e en Educación Primaria. O programa impartirase no CEIP da Maía, en Bertamiráns, e na EEI do Milladoiro e CEP de Ventín, no Milladoiro. O programa ten un horario de 7:30 a 16:00 horas, e inclúe os servizos de comedores e Bos Días. As persoas interesadas deben entregar a documentación necesaria na Sede electrónica do Concello de Ames ou nas oficinas de asistencia en materia de rexistro do Concello de Ames (O Milladoiro e Bertamiráns). As solicitudes presentadas fóra de prazo irán a unha listaxe de agarda.
- 1 de 108
- seguinte ›