Pestanas principais

Bloque Nacionalista Galego (BNG)

Actualidade

O BNG solicita recuperar o trazado histórico orixinal do Camiño de Santiago a Fisterra entre o Alto do Vento e o núcleo de Ventosa
Sábado, 24 de xaneiro de 2026
O BNG solicita recuperar o trazado histórico orixinal do Camiño de Santiago a Fisterra entre o Alto do Vento e o núcleo...

Xa hai tempo que a veciñanza do lugar de Ventosa na parroquia de Covas, veñen poñendo de manifesto que o trazado actual do Camiño non coincide co percorrido tradicional que, segundo a memoria popular e testemuños de persoas maiores da parroquia, discorría por outro lugar diferente ao actual. Este antigo camiño, ademais de ter maior valor patrimonial, evita o paso pola estrada principal, onde no núcleo de Ventosa atopamos un punto especialmente problemático e perigoso para as persoas que fan a ruta a pé que teñen que atravesar a estrada AC-453, sen ningún paso de peóns nin ningunha outra medida que garanta a seguridade nunha zona de escasa visibilidade situada entre dúas curvas. Polo que a situación actual supón un risco evidente para a seguridade viaria e pode derivar en accidentes ou situacións de perigo.

O BNG pide que se restauren os muíños da ruta de Riamontes e a súa posta en valor
Venres, 26 de decembro de 2025
O BNG pide que se restauren os muíños da ruta de Riamontes e a súa posta en valor

O grupo municipal do BNG de Ames, presenta unha moción para a recuperación deste conxunto etnográfico que suporía un importante enriquecemento do patrimonio histórico, cultural, paisaxístico e medioambiental do Concello.

O BNG propón un plan especial para revitalizar o comercio do Milladoiro
Xoves, 27 de novembro de 2025
O BNG propón un plan especial para revitalizar o comercio do Milladoiro

O grupo municipal do BNG de Ames, tras realizar diversas visitas á rúa Rosalía de Castro, principal eixo comercial do Milladoiro, puido constatar o profundo impacto que as obras de renovación da estrada N-550 están causando no comercio local e na vida cotiá da veciñanza. Os comerciantes trasladaron unha preocupación compartida: as obras están a afectar gravemente as súas vendas é á sustentabilidade dos seus negocios. A falta de aparcadoiro, as dificultades de acceso, os cortes de luz e servizos, así como a ausencia de aviso previo sobre os traballos, provocaron unha caída de ingresos moi significativa. Esta situación chega a un punto crítico agora que se achega a campaña de Nadal, o período máis importante do ano para o pequeno comercio, e faino con moitos negocios xa debilitados, mais con esperanza nun novo Milladoiro ao remate das obras.

O BNG vota en contra da subida da taxa do lixo
Venres, 31 de outubro de 2025
O PSOE e o PP unidos para subir a taxa do lixo en Ames

A Concelleira Rosalía Seijas explicou que  “desde o BNG non  dicimos que non hai que adaptar a ordenanza do lixo, sabemos que é obrigatorio cumprir coa directiva europea e coa lei estatal, que a traspón ao noso marco legal. O que cuestionamos non é a necesidade de adaptarse, senón o xeito en que se fai: non é de recibo impoñerlle á veciñanza  un incremento do 75% na taxa cando seguen a atoparse cos mesmos colectores rotos, as mesmas frecuencias de recollida que hai anos e as mesmas dificultades para reciclar correctamente.”

Néstor Rego con Escarlata Pampín e outros membros do BNG
Mércores, 29 de outubro de 2025
BNG reclama ao Goberno transferir un tramo ferroviario en desuso ao Concello de Ames para o converter nunha senda verde

O Bloque Nacionalista Galego demanda ao Goberno do Estado total disposición para proceder ao traspaso ao Concello de Ames da titularidade do tramo ferroviario abandonado entre Fraiz e A Moniña para recuperar o espazo e transformalo nunha senda verde peonil.