Avisos

Ex., 07-08-2026
Ex., 07-08-2026
Suspéndense de xeito temporal as queimas agrícolas e forestais de particulares desde este venres 29 de maio
Xoves, 28 maio, 2026
O Concello de Ames informa de que a Consellería do Medio Rural adoptou, como medida preventiva ante o incremento das temperaturas, a suspensión temporal -desde este venres, 29 de maio, e ata novo aviso- das queimas de restos agrícolas e forestais realizadas por particulares en Galicia. Polo tanto, non se autorizarán máis permisos e os xa concedidos non terán validez a partir deste venres.
Esgotadas as prazas para a excursión ao Aquapark de Cerceda do programa Trouleando
Xoves, 28 maio, 2026
O Concello de Ames, a través da Concellería de Xuventude, informa de que se esgotaron as prazas para a excursión ao Aquapark de Cerceda, que se enmarca dentro do programa Trouleando. Esta actividade realizarase o vindeiro domingo 14 de xuño. Na actualidade xa están cubertas as 95 prazas dispoñibles e hai unha ampla lista de agarda.
Listaxes definitivas de admitidos/as e de agarda das escolas infantís municipais para o curso 2026-2027
Mércores, 27 maio, 2026
O Concello de Ames, a través da Concellaría de Educación, informa sobre a publicación das listaxes definitivas de admitidos/as e de agarda das escolas infantís municipais A Madalena e O Bosque para o curso escolar 2026-2027. O prazo de matrícula abrangue do 1 ao 15 de xuño.
Participa na visita a horta A Castiñeira con Tasio, do Mercado de horta e artesanía de Ames
Mércores, 27 maio, 2026
No marco das actividades de dinamización do mercado de produtos da horta e artesanía de Ames, este sábado 30 de maio, ás 17.30 horas, organízase unha nova actividade familiar, que está dirixida a nenos/as de 6 a 12 anos acompañados dunha persoa adulta. Neste caso vaise visitar a horta A Castiñeira (A Baña) con Tasio.
Preparando ás PEMEs galegas para os novos desafíos: ciberseguridade e cumprimento normativo
Luns, 25 maio, 2026
A Deputación da Coruña, no marco do Plan de Emprego Local (PEL), informa sobre o seguinte programa formativo posto en marcha pola Axencia para a Modernización Tecnolóxica de Galicia (Amtega): Preparando ás PEMEs galegas para os novos desafíos: ciberseguridade e cumprimento normativo.
Recordatorio das obrigas dos propietarios de terreos forestais contemplados na Lei 3/2007 de prevención de incendios forestais de Galicia
Venres, 22 maio, 2026
O Concello de Ames, a través da Concellaría de Xestión do Medio Natural e Atención ao Rural, informa a todos os veciños e veciñas de Ames, que a Consellería de Medio Rural da Xunta de Galicia publicou no DOG do martes 17 de abril de 2007, a Lei 3/2007 de “prevención e defensa contra os incendios forestais de Galicia”.
Aviso da Dirección Xeral de Emerxencias e Interior dun episodio de fenómenos meteorolóxicos adversos por choiva e tormentas
Venres, 22 maio, 2026
A Axencia Estatal de Meteoroloxía (AEMET) informa no Boletín 176/71GAL, emitido as 10:42 horas do día de hoxe, dun fenómeno meteorolóxico adverso NIVEL AMARELO por CHOIVA E TORMENTAS, que afectará á CORUÑA (Interior) e a LUGO (Centro e Montaña) e que se iniciará ao mediodía do día 23/05/2026 e ata a primeira hora do día 24/05/2026. A precipitación acumulada nunha hora poderá superar os 15 litros, con posibilidade de saraiba e de rachas moi fortes de vento.
Menús dos comedores escolares, Bos días cole e Tardes divertidas do 25 ao 29 de maio
Venres, 22 maio, 2026
Premendo nas ligazóns que están ao pé deste aviso pódense obter os menús dos comedores escolares, Bos días cole e Tardes divertidas (almorzos, xantares e merendas). Estes menús foron elaborados pola nutricionista municipal do Concello de Ames.
Menús das escolas infantís O Bosque e A Madalena do 25 ao 29 de maio
Venres, 22 maio, 2026
Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.
Proceso selectivo para a cobertura por interinidade da praza vacante de arquitecto/a
Xoves, 21 maio, 2026
O Concello de Ames, a través do departamento de Persoal, fai público o anuncio sobre a lista provisional de admitidos/as e excluídos/as no procedemento de selección, polo sistema de concurso oposición, para arquitecto (funcionario interino) e posterior formación dunha bolsa de traballo do Concello de Ames.