A aula CeMIT permanecerá pechada durante este mes de agosto e, deste xeito, o acceso libre ás instalacións, así como a súa actividade formativa, retomarase a partir de setembro. Con todo, xa teñen a súa oferta formativa para os derradeiros meses do ano, na que haberá cursos tanto para adultos como para menores de idade cunha ampla gama de contidos: mecanografía, edición de imaxes, administración electrónica ou informática.

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames organiza novos cursos de formación para os vindeiros meses de marzo e abril. Serán tres cursos para adultos: “Follas de cálculo con LibreOffice Calc”, “Iniciación ás redes sociais” e “Sácalle partido ao teu teléfono móbil!”. Así mesmo, tamén organizan un curso de scartch dirixido para menores de idade, que se desenvolverá en Semana Santa. A inscrición para calquera dos cursos pode facerse chamando ao 682 373 753, escribindo un correo electrónico ao enderezo cemit.ames@xunta.gal ou de forma presencial nas propias instalacións da aula CeMIT en Bertamiráns.

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa oferta formativa durante o mes de decembro con tres cursos dirixidos á rapazada e tres cursos para adultos. Os contidos céntranse na creación do currículum ou na busca de emprego a través da Internet, entre outros. A inscrición en calquera dos cursos pódese facer chamando ao número de teléfono 682 373 753, escribindo ao enderezo electrónico cemit.ames@xunta.gal ou presencialmente, nas instalacións da aula (no primeiro andar da Casa da Cultura de Bertamiráns).

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames anuncia a súa oferta formativa para o último cuadrimestre do ano 2024, que inclúe tres cursos para adultos e outros tres para menores de idade. Ademais dunha introdución á Administración electrónica volven clásicos do mes de setembro como a iniciación á informática e á mecanografía, tanto para adultos como para os pequenos da casa. As instalacións da aula permanecerán pechadas durante todo o mes de agosto, polo que as inscricións deben facerse de xeito telemático, escribindo ao enderezo electrónico cemit.ames@xunta.gal ou premendo nesta ligazón.