O Concello de Ames presentou esta mañá, na Casa do Concello, en Bertamiráns, a programación de actividades para conmemorar o 8 de marzo, Día Internacional da Muller. O acto central realizarase o domingo, 8 de marzo, na Casa da Cultura de Bertamiráns cos dúas actividades. Pola mañá, proxectarase o documental 8M A Voces e farase un coloquio posterior coas nove mulleres que participaron na peza audiovisual, para falar da súa experiencia e moderado pola presentadora do acto, Fátima Pego. Pola tarde, poderase gozar do espectáculo O positivo de fracasar no amor, un monólogo de Pablo Piñeiro. Ademais, dentro de dita programación, está prevista a elaboración de murais colaborativos nos centros educativos e un curso de formación en defensa persoal para mulleres. O persoal do CIM tamén vai visitar os centros educativos para achegar información e repartir material do 8M.

A psicóloga xurídica, sexóloga e criminóloga especializada en igualdade de xénero, Mónica Novas Dios, impartirá este xoves, 3 de setembro, unha charla na que dará as claves de “Como evitar as relacións tóxicas“, dentro da campaña Non estás soa! O coloquio, organizado pola Concellería de Igualdade, celebrarase ás 11.00 horas no auditorio da Casa da Cultura de Bertamiráns e terá entrada de balde previa inscrición. As inscricións pódense realizar enviando un correo electrónico ao enderezo infoigualdade@gmail.com ou a través do teléfono/whatsapp 682 660 580.