Os/as veciñas de Ames poden desfrutar coa proxección de tres películas galegas durante as sesións do programa Abril de Cine. Deste xeito, a programación cultural, na que habitualmente están representadas as tres disciplinas de teatro, danza e música, amplíase debido á nova iniciativa da Concellaría de Cultura. Vanse proxectar tres filmes de recoñecida calidade. Dúas delas, Ons e A illa das mentiras acaparan a maior parte das candidaturas finalistas nas 25 categorías dos XIX Premios Mestre Mateo. Ademais, o filme Trote tivo 12 candidaturas nos 33 Premios Goya de 2019.

Este novo ciclo arrancará coa película Ons, que se proxectará este mércores, 7 de abril, ás 20:00 horas no auditorio da Casa da Cultura de Bertamiráns. Antes da proxección haberá un faladoiro no que participará o director do filme, Alfonso Zarauza. Para ver esta película xa non quedan entradas dispoñibles. Prégase puntualidade porque as 20.00 horas comezará o faladoiro de Alfonso Zarauza. A continuación, iniciarase a proxección do filme. En todas as sesións de cine abriranse as portas dos auditorios das Casas da Cultura de Bertamiráns e do Milladoiro ás 19.45 horas.

Trátase dun drama no que Vicente e Mariña chegan á illa para pasar o verán. El vén dun accidente e as súas consecuencias psicolóxicas, e a viaxe será bálsamo para o seu matrimonio. A estancia prolóngase a petición del, e, secretos gardados empezan a aflorar.

Proxección de A Illa das mentiras e Trote
A seguinte sesión será o mércores, 14 de abril, ás 20:00 horas, no auditorio da Casa da Cultura do Milladoiro. Neste caso proxectarase o filme A Illa das mentiras. Outro drama baseado nunha historia real dos anos 20. Un buque, con destino Bos Aires e 260 persoas a bordo, fúndese fronte a illa de Sálvora. Tres mozas isleñas, María (Nerea Barros), Josefa (Victoria Teijeiro) y Cipriana (Ana Oca), deciden ir ao rescate salvando a 48 persoas, un acto heroico que pagarán moi caro. Tras estes feitos, un xornalista arxentino, León (Darío Grandinetti), acude a Sálvora para cubrir a nova pero comproba que esa noite sucederon demasiadas terribles "casualidades".

O programa pecharase con Trote, na que se poderá ver escenas rodadas en Ames. Será o mércores, 21 de abril, ás 20:00 horas, no auditorio da Casa da Cultura de Bertamiráns. Esta película conta a historia dunha moza que vive nunha aldea nas montañas galegas xunto ao seu pai Ramón, co que apenas se comunica, e a súa nai enferma. Traballa nunha panadería e necesita escapar dese ambiente opresivo, pero as circunstancias sempre llo impediron.

A entrada para asistir a ver calquera destes tres filmes é de balde. Aínda así débese reservar o convite a través da billeteira electrónica do Concello de Ames. Nestes intres quedan convites dispoñibles para asistir á proxección dos filmes A Illa das mentiras e Trote. Este programa está patrocinado pola Deputación da Coruña.

Novas relacionadas:

El Correo Gallego: "Suman el cine al programa cultural de Ames con ‘Ons’, ‘A illa das mentiras’ y ‘Trote’"