- Tipo
- Tematica
Como xa vén sendo habitual, a Escola Municipal de Música de Ames, a EMMA, organiza neste período de Entroido dúas actuacións. O primeiro concerto será Música entre disfraces, o vindeiro mércores 11 de febreiro, ás 19.00 horas, na Casa da Cultura de Bertamiráns. O segundo, Entroido Musical, celebrarase o venres 13, ás 19.30 horas, no mesmo emprazamento. Para poder acudir, é necesario retirar un convite na Billeteira Electrónica do Concello de Ames.
Xa o venres 13, a actuación estará enfocada a agrupacións e combos conformados dentro da EMMA. Deste xeito, arredor de 65 alumnos e alumnas de guitarra, piano, batería, saxo, baixo e linguaxe musical interpretarán durante aproximadamente 75 minutos temas populares, como Rasputin, do grupo Boney M., Todos los besos, de Los Rebujitos, ou Flowers, de Miley Cyrus.
