O Concello de Ames, a través da Concellaría de Planificación e Xestión Educativa, recorda que para o curso 2025/2026 entrará en vigor a nova ordenanza reguladora da taxa pola prestación dos servizos complementarios educativos e de conciliación da vida familiar e laboral do Concello de Ames.

Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.

A actividade de Paintball, do programa "Trouleando", prevista para a pasada fin de semana e adiada polas condicións meteorolóxicas, finalmente realizarase na tarde do vindeiro domingo 23 de marzo. Deste xeito, os participantes sairán en autobús ás 15.00 horas desde o Pazo da Peregrina de Bertamiráns e, ás 15.15 horas desde a Casa da Cultura do Milladoiro. O regreso será nas mesmas paradas e no Milladoiro realizarase arredor das 19.30 horas e en Bertamiráns ás 19.45 horas, aproximadamente. As persoas xa apuntadas na actividade teñen ata o día 13 de marzo para comunicar ao departamento de Mocidade, a través do correo electrónico, o interese ou non en participar nesta nova data proposta.

Quedan 10 prazas libres para o obradoiro de Batucada que organiza a Escola Municipal de Música de Ames para celebrar o seu 20º aniversario. Esta actividade é de balde e desenvolverase os días 15, 22 e 29 de marzo, en horario de 11.00 a 13.00 horas. Pode inscribirse calquera persoa interesada en participar, só é preciso enviar a ficha de inscrición cuberta, que se pode descargar ao pé deste aviso, ao enderezo electrónico escolademusica@concellodeames.gal.