O Concello de Ames, a través da Oficina de Voluntariado, organiza un novo obradoiro de lectura, dirixido para persoas adultas. A actividade é gratuíta e impartirase na Casa da Cultura de Bertamiráns os martes en horario de 16.30 a 18.00 horas e dará comezo o vindeiro 11 de novembro. Para participar ou solicitar máis información, hai que enviar un correo electrónico ao enderezo voluntariado@concellodeames.gal.  

O Concello de Ames, a través da Concellaría de Igualdade, realizoulle esta mañá unha recepción a tres mulleres defensoras dos dereitos humanos, Milagro Alvarado, Juventina López e Ana Donis, que participan na segunda edición do programa de acollida temporal Galicia Abriga. Ames é a única Administración pública local que participa e colabora neste programa. En dita recepción participaron o alcalde, a concelleira de Igualdade e concelleiros/as da Corporación municipal, que amosaron o seu apoio e recoñecemento a estas tres mulleres de El Salvador e Guatemala. Tamén participou persoal municipal, representantes de Agareso e María Paz, coordinadora do programa Galicia Abriga.

O Concello de Ames, a través da Concellaría de Benestar Social e Igualdade, organizou un curso de esforzo de integración dirixido principalmente a persoas en situación de irregularidade administrativa próximas a solicitar a súa regulación. A formación impartiuse do 20 de setembro ao 18 de outubro en cinco sesións de oito horas cada unha. En total foron 40 horas de formación para obter o certificado que acredita que teñen reciba a formación necesaria que se lles esixe para dispor do informe favorable de esforzo e integración expedido pola administración competente nesta materia. Este informe é preceptivo en determinados casos de regularización de persoas inmigrantes (arraigo social, arraigo socio-formativo, etc.).

O prazo de matrícula na Escola integral de maiores de Bertamiráns, coordinada pola Oficina de Voluntariado de Ames e dependente da Concellaría de Benestar Social, xa está aberto. As persoas maiores de 60 anos que queiran participar nesta actividade deberán inscribirse chamando ao teléfono 662 377 044 ou acudir á Oficina de Voluntariado, na Casa da Cultura de Bertamiráns, de 10:00 a 13:00 horas. Nestas clases o alumnado adquirirá e repasará coñecementos como a lectura, a escritura ou as contas matemáticas básicas dun xeito dinámico. As clases comezarán o vindeiro luns, 27 de outubro, e rematarán a finais de xuño.