[24-07-2014] A Xunta de Goberno Local do Concello de Ames vén de adxudicar o servizo de limpeza de 22 centros e dependencias municipais por un importe de 113.546 euros. O contrato terá unha duración inicial de dous anos prorrogable expresamente por períodos dun ano, por mutuo acordo das partes, ata un máximo de catro anos (incluído o período inicial e prórrogas). Deste xeito, adxudícase o servizo de limpeza de 4 centros do Milladoiro, 7 dependencias de Bertamiráns, 9 locais sociais do rural amiense, así como das instalacións da Aula da Natureza, situadas na parroquia da Ameixenda, e do centro social da urbanización de Aldea Nova.
O Concello de Ames, mediante acordo en Xunta de Goberno Local, acaba de adxudicar o servizo de limpeza dun importante paquete de instalacións e dependencias municipais. Este lote inclúe un total de 22 centros e dependencias municipais, que se atopan repartidas entre as localidades de Bertamiráns e do Milladoiro, así como na urbanización de Aldea Nova e no rural amiense. Este servizo foi adxudicado por un importe de 113.546 euros. O contrato terá unha duración inicial de dous anos prorrogable expresamente por períodos dun ano, por mutuo acordo das partes, ata un máximo de catro anos (incluído o período inicial e prórrogas).
Deste xeito, adxudícase o servizo de limpeza de 4 centros do Milladoiro (Casa da Cultura; Biblioteca municipal, incluída a recente ampliación deste centro municipal; centro de saúde; e oficinas municipais desta localidade), 7 dependencias de Bertamiráns (oficias de urbanismo; oficinas da Policía Local; oficinas do xulgado de paz; nave de obras; radio municipal; local anexo á Casa da Cultura; e edificios do Pazo da Peregrina), 9 locais sociais do rural amiense (Cruxeiras; Piñeiro; Ortoño; Agrón; Augapesada; Trasmonte; Biduído; Ameixenda; e Tapia), así como das instalacións da Aula da Natureza, situadas na parroquia da Ameixenda, e do centro social da urbanización de Aldea Nova.
Servizo de limpeza dos centros educativos
Cómpre lembrar que o ano pasado o Concello de Ames tamén adxudicou o servizo de limpeza dos centros educativos de infantil e primaria do municipio por un importe de 318.099 euros. Este servizo foi adxudicado por un período de dous anos, prorrogables por dous máis. O obxecto deste contrato foi reorganizar e agrupar a prestación dos servizos de limpeza dos centros de educación infantil e primaria, así como das escolas unitarias do Concello de Ames (CEIP A Maía, CEIP Barouta, CEIP Agro do Muíño, CEP de Ventín, EEI Milladoiro e escolas unitarias de Agrón, Covas, Ortoño e Bugallido).
Esta foi a primeira vez que se licitou en conxunto o servizo de limpeza destes centros, mentres que o das escolas infantís fíxose a través doutro proceso no que se investiron máis de 97.700 euros por dous cursos escolares Este proceso de contratación correspondeulle ao servizo de limpeza das escolas de O Bosque (Bertamiráns), A Madalena e da Galiña Azul, estas dúas últimas situadas no Milladoiro. A duración inicial desta contratación tamén foi de dous anos, prorrogables por dous máis.
Contido relacionado
El Correo Gallego: "Adxudican o servizo de limpeza de 22 centros municipais de Ames"
La Voz de Galicia: "La limpieza de 22 centros municipales amienses costará 113.546 euros"
El Correo Gallego: "Ames adxudica o servizo de limpeza para 22 dependencias municipais"