[14-05-2014] A décimo primeira edición do Certame Literario Concello de Ames de narrativa e poesía e a sexta edición do Certame Artístico-Literario Intercentros xa teñen os seus gañadores e gañadoras. A entrega de premios destes concursos literarios terá lugar este venres, 16 de maio, no auditorio da Casa da Cultura do Milladoiro, ás 20:00 horas. Nesta edición o xurado encargado de elixir os premiados/as estivo composto polos recoñecidos autores do panorama literario galego; Begoña Caamaño, Carlos Negro e Charo Pita. Premendo nos enlaces que están a túa dereita, baixo o apartado de descargas, poderás obter a listaxe completa dos premiados no XI Certame Literario do Concello de Ames e no VI Certame Artístico Literario Intercentros.