[14-05-2013] A décima edición do Certame Literario Concello de Ames de narrativa e poesía e a quinta edición do Certame Artístico-Literario Intercentros xa teñen os seus gañadores e gañadoras. A entrega de premios destes concursos literarios terá lugar este xoves, 16 de maio, no auditorio da Casa da Cultura do Milladoiro, ás 20:00 horas. Nesta edición o xurado encargado de elixir os premiados/as estivo composto pola escritora amesá, Mariña Pérez Rei, o investigador da Universidade de Santiago de Compostela, Xosé Antonio López Silva, e o escritor e crítico literario, Armando Requeixo Cuba. Premendo nos enlaces que están a túa dereita, baixo o apartado de descargas, poderás obter a listaxe completa dos premiados no X Certame Literario do Concello de Ames e no V Certame Artístico Literario Intercentros.