- Tematica
13 mulleres e 5 homes compoñen a grella de gañadores/as da XVIII edición do Certame Literario de Ames. O xurado, composto por Armando Requeixo, María López Sández e Paulo Calvo, elixiu os premios entre as 155 obras que se presentaron este ano ao certame nas distintas categorías de narrativa e poesía. O acto de entrega de premios celebrarase o vindeiro venres, 21 de maio, ás 20:00 horas, na Casa da Cultura do Milladoiro. Podes consultar aquí os nomes dos premiados e premiadas e os títulos das obras galardoadas.
Tanto na modalidade de poesía como na de narrativa, a 3ª categoría, dirixida a maiores de 17 anos foi a que concitou máis interese, de xeito que o xurado tivo que ler 58 poemas e 49 relatos para ditaminar os gañadores. Dáse a circunstancia ademais de que dos cinco homes que no cómputo xeral resultaron premiados nesta edición do certame, tres obtiveron o seu premio na 3ª categoría da modalidade de narrativa. Os outros dous premios con sinatura masculina foron o 3º Premio da 2ª categoría de poesía e o 2º premio da 3ª categoría de poesía.
Á segunda categoría, dirixida a creadores e creadoras de entre 14 e 17, anos presentáronse 27 traballos, 14 na modalidade de poesía e 13 na de narrativa. A 1ª categoría, na que se encadran os autores/as de menos de 13 ano, recibiu 21 orixinais, 7 para a modalidade de poesía e 14 para a de narrativa. En ámbalas dúas categoría, a meirande parte dos premios foron para á mulleres.
Lugar de procedencia dos traballos
Malia que este ano algúns dos traballos que se presentaron ao concurso procedían doutras comunidades autónomas e mesmo dalgunhas rexións europeas, todos/as premiados/as viven en Galicia. As localidades de Fene, Ordes, Pontevedra, Ribeira, A Coruña, Arzúa, Ourense e Vigo aparecen no remite dos sobres premiados. No concello de Ames quedan nesta ocasión tres premios: dous na modalidade de narrativa da 1ª categoría e 1 na de poesía da 2ª categoría.
Para Escarlata Pampín, concelleira de Normalización Lingüística, departamento que organiza o premio, “o interese que amosan persoas de todas as idades polo noso certame literario, pon de manifesto a viveza da nosa lingua e dos nosos creadores e creadoras”. Podes ver aquí os nomes dos premiados e premiadas e das obras que presentaron.
Podes consultar aquí a acta da reunión do xurado celebrada o 11 de marzo coa presenza das técnicas de Normalización, Rosa Moreiras e Antía Rei.
Novas relacionadas:
La Voz de Galicia: "Anuncian las obras ganadoras del Certame Literario de Ames, procedentes de una decena municipios gallegos"
El Correo Gallego: "Dominio femenino desde Vigo a Fene en el certamen de literatura"
La Voz de Galicia: "Xa vén a terceira xeración: a filla de María Canosa logra un premio literario en Ames"
