[22-03-2013] O Concello de Ames informa de que están expostas as listas definitivas de admitidos e excluídos na Primavera Lúdica. Para consultar as listas deberán achegarse ata o departamento de Educación, situado no Pazo da Peregrina, á Casa do Concello, ou ata as oficinas municipais do Milladoiro. A Primavera Lúdica desenvolverase durante os días 25, 26, 27 de marzo e o 1 de abril. Nestas xornadas levaranse a cabo diferentes actividades lúdicas destinadas ao entretemento e á aprendizaxe dos máis pequenos. O horario deste programa será dende as 7.30 h ás 16.00 horas. Premendo nos enlaces que están a túa dereita, baixo o apartado de descargas, poderás obter información de interese sobre as actividades da Primavera lúdica que se realizarán en Bertamiráns e no Milladoiro.