[27-09-2011] Todos os luns e martes os palillos encherán as Casas de Cultura do Milladoiro e de Bertamiráns. A Asociación Taller de Encaixes Galicia, en colaboración co Concello de Ames, volve a pór en marcha un curso de encaixe de palillos onde todos e todas as asistentes poderán coñecer as diferentes técnicas desta arte da decoración. Esta actividade realizarase todos os luns na Casa da Cultura do Milladoiro, en horario de 16:30 h. a 18:30 horas. Mentres que os martes, de 16:30 h. a 18:00 horas, realizarase na Casa da Cultura de Bertamiráns. Este curso desenvolverase desde o mes de outubro ata maio. O prazo de inscrición xa está aberto e finalizará 30 de setembro. Este curso ten un custo de 15 euros. As inscricións pódense realizar chamando aos números de teléfono 666.874.744 (Marga) ou 627.791.061 (Ana). Tamén se pode enviar un correo electrónico a tallerdeencajes@gmail.com