[08-05-2013] O Concello de Ames lembra que desde o 3 de maio ata o 10 de xullo está aberto o período voluntario de cobranza dos tributos pola prestación do servizo de saneamento e depuración de augas residuais, da taxa pola prestación do servizo do abastecemento de auga e da taxa pola prestación do servizo de recollida de residuos sólidos urbanos correspondentes ao primeiro trimestre de 2013. Para os cidadáns que non teñan o recibo domiciliado, os lugares de ingreso serán calquera oficina das entidades bancarias colaboradoras, empregando os recibos que se enviarán ao domicilio do contribuínte por correo ordinario. No caso de perda do recibo, os cidadáns poderán obter ata o vindeiro 10 de xullo un duplicado nas oficinas de xestión de augas (Espina&Delfin) do Concello de Ames, situadas na rúa do Agrelo, nº7-Baixo (Bertamiráns) con teléfono 981 89 0776, e na rúa de Abaixo, nº10 (Milladoiro), con teléfono 981 536315. Os cidadáns que non reciban no seu domicilio o recibo disporán do mesmo prazo para solicitalo na oficina indicada.