[28-11-2016] Dende o 24 de novembro ata o 2 de decembro podes votar pola mellor peza dramática presentada ao VI Concurso de Teatro Lido de Ames, Desata a Lingua! Estas pezas pódense escoitar premendo nas ligazóns que están a túa dereita, baixo o apartado de sons. A emisión desta pezas na radio municipal, Ames Radio (FM 107.2), comezou o 23 de novembro, e continuará ata o día 2 de decembro, en horario de 13:30 h a 14:30 horas e de 22:00 h a 23:00 horas. Repartiranse un total de 600 euros en tres premios dotados con 200 euros cada un.
A audiencia da radio municipal escollerá entre as pezas emitidas a que obterá o premio do público. A votación realizarase entre o 24 de novembro e o 2 de decembro (incluídos) a través do correo electrónico radioteatro@concellodeames.gal ou do teléfono 981 890 452. Os/as votantes terán que identificarse e só se computará un voto por persoa. Deste xeito, preténdese implicar a toda a cidadanía nesta actividade.