[23-05-2013] O Concello de Ames informa de que entre os días 24 e 26 de maio vaise disputar a Volta Ciclista á Provincia da Coruña 2013 na que participarán as categorías de elite sub 23. Esta carreira ciclista pasará polo termo municipal de Ames o venres 24 e o sábado 25 de maio.
O venres, 24 de maio, a Volta Ciclista á Provincia da Coruña pasará pola localidade de Bertamiráns e dirixirase cara Negreira pola estrada AC-544, pasando por Ponte Maceira. O sábado, 25 de maio, a Volta Ciclista volverá a pasar pola localidade de Bertamiráns, pero neste caso dirixirase a Santiago de Compostela pola estrada AC-543. Debido ao desenvolvemento deste evento deportivo produciranse cortes ocasionais de tráfico que estarán regulados polos axentes da Policía Local de Ames.