[16-09-2016] Este sábado, 17 de setembro, no campo de fútbol de Bertamiráns arrinca o torneo Ames Cup de pretemporada 2016/2017, organizada polo Bertamiráns FC coa colaboración do Concello de Ames. Na primeira xornada, a deste sábado, participarán 18 equipos da categoría benxamín. Ao longo da mañá, entre as 10:00 e as 14:00 horas, disputarase a primeira volta. A segunda volta e as eliminatorias xogaranse pola tarde, a partir das 14:30 horas, e a entrega de trofeos terá lugar ás 21:00 horas. O vindeiro sábado, 24 de setembro, xogaranse os encontros da categoría alevín, cuxos horarios se publicarán a comezos desta semana.
O campo de fútbol municipal de Bertamiráns acolle mañá, a partir das 10:00 horas, a primeira xornada da Ames Cup de pretemporada 2016/17. Nela participarán 18 equipos da categoría benxamín, catro deles pertencentes ao club anfitrión, o Bertamiráns CF. O campo dividirase en dúas zonas nas que se disputarán encontros simultáneos de media hora de duración.
O primeiro partido enfrontará ao ED Xuventude Oroso co Victoria FC B e ao Bertamiráns FC B co Noia CF. Ás 10:30 o Amio SD xogará contra a SD Negreira, e o Bertamiráns FC C contra o EFM Concello de Boiro. Ás 11:00 será a quenda do Atlético Fátima A contra o EF Silleda e do Victoria CD A contra o Atlético Fátima B. Ás 11:30 horas os xogadores do Victoria CD B enfrontaranse aos do Noia CF, mentres que os do Bertamiráns FC A farano contra os da SD Sofán. Ás 12:00 horas continuarán os partidos co encontro do Ural CF e o Atlético Fátima B e o da Amio SD coa EF Luís Calvo.
Ás 12:30 o EFM Concello de Boiro enfrontarase ao EF San Lázaro, e o Bertamiráns FC D á EF Silleda. Ás 13:00 horas o ED Xuventude Oroso xogarán contra o Bertamiráns FC B e o Bertamiráns FC A contra a SD Sofán. Os tres últimos partidos da mañá enfrontarán, ás 13:00 horas, á SD Negreira co Ural CF, ao Victoria CF A coa ED Luís Calvo e, ás 14:00 horas, ao Bertamiráns FC D co Atlético Fátima A.
Os resultados desta primeira quenda de encontros decidirán os partidos que se xogarán a partir das 14:30 horas. Ás 19:15 horas comezarán os partidos de consolación e a final desta primeira xornada disputarase ás 20:15 horas. Ás 21:00 horas terá lugar a entrega de trofeos. Ademais dos equipos entregarase un premio ao mellor xogador, outro ao porteiro destacado, un premio ao máximo goleador deste torneo e un último ao mellor adestrador.
O vindeiro sábado, 24 de setembro, o campo municipal de Bertamiráns acollerá a segunda xornada desta Ames Cup. Será a quenda dos equipos da categoría alevín de saltar ao terreo de xogo. Os horarios dos partidos desta segunda xornada publicaranse a principios da vindeira semana.