[10-10-2013] Durante o mes de outubro continúan as visitas da unidade móbil de doazón ao termo municipal de Ames. A localidade do Milladoiro recibirá a unidade móbil o mércores 23 e o xoves 24 de outubro en horario de tarde, de 15:30 a 21:00 horas. O autobús estará situado na rúa Cruxa ao lado do supermercado El Árbol. O Centro de Transfusión de Galicia, grazas o emprego das unidades móbiles intenta facilitar o solidario xesto de doar sangue a todos os cidadáns. Nesta ocasión terán a oportunidade de doar todos os veciños e veciñas do Milladoiro que así o desexen.