[22-05-2014] Durante o mes de maio continúan as visitas da unidade móbil de doazón ao termo municipal de Ames. A localidade do Milladoiro recibirá a unidade móbil de doazón o vindeiro martes 27 de maio, en horario de 9:30 h a 14:30 horas e de 15:30 h a 21:00 horas. Como soe ser habitual a unidade móbil estará estacionada na rúa Cruxa, ao lado do supermercado El Árbol. O Centro de Transfusión de Galicia, grazas o emprego das unidades móbiles intenta facilitar o solidario xesto de doar sangue a todos os cidadáns. Nesta ocasión terán a oportunidade de doar todos os veciños e veciñas do Milladoiro que así o desexen.