Este xoves, 23 de maio, chegou ao seu fin unha nova edición do curso “English Today” organizado pola Concellaría de Mocidade como aposta pola formación das mozas e mozos do concello en linguas. A actividade, encadrada dentro do programa de formación xuvenil da Oficina Municipal de Información Xuvenil (OMIX), buscou ofrecerlle ás e aos asistentes unha aprendizaxe práctica do inglés para o día día, destinada á comprensión e expresión do inglés empregado en contextos e situacións cotiás como unha entrevista de traballo, unha viaxe ou unha consulta médica. Neste curso, que tivo unha duración de catro meses, completáronse as 20 prazas ofertadas.
O curso realizouse entre o 5 de febreiro e o 23 de maio, en aulas de 90 minutos de duración en horario de 20.00h a 21.30 horas. As clases impartíronse os luns e os mércores na Casa da Cultura do Milladoiro, e os martes e xoves na Casa da Cultura de Bertamiráns. O número de prazas ofertadas foi de 20 entre os dous grupos, para poder obter o máximo rendemento de cada aula. Completáronse todas as prazas, asistindo 10 persoas a cada un dos grupos. O curso tivo unha duración de catro meses.
A metodoloxía empregada foi eminentemente práctica. A formación combinou vocabulario, gramática e audiovisuais para permitir a adquisición das destrezas necesarias para a comunicación en inglés. Así, os principais obxectivos a acadar durante esta formación foi que o alumnado obtivese unha formación práctica do inglés para o día a día que poidan aplicar en diferentes contextos e situación reais apoiada nunha linguaxe oral para referirse ó entorno e a un mesmo e coller destreza na redacción de textos curtos e pouco complexos que aporten información persoal e referida a outras persoas ou situacións. A finalidade principal deste curso foi a de coñecer como desenvolverse en situacións cotiás co inglés, fomentando o desenvolvemento de aptitudes lingüísticas na mocidade e a súa autonomía.
Para elo, o programa do curso estivo centrado nas situacións máis usuais na vida cotiá como son as ventas e a atención ao público, o turismo, viaxes, ocio e tempo libre ou linguaxe utilizado en redes sociais. O obxectivo encamiñouse a que que os e as asistentes adquirisen un bo nivel de comprensión lectora, escrita e oral; así como a capacidade para expresarse sen problemas neste idioma.
