[31-05-2012] Ao acto de entrega dos diplomas, que acreditan o correcto aproveitamento deste curso, asistiu o concelleiro de Deportes, Manuel Ferreiro. Esta actividade formativa, na que os rapaces adquiriron os coñecementos básicos para o manexo do ordenador, comezou en outubro e remata hoxe.
O concelleiro de Deportes, Manuel Ferreiro, entregou esta tarde no Colexio de Educación Infantil e Primaria (CEIP) de Barouta os diplomas aos alumnos e alumnas que asistiron ao curso de informática básica.
En total, foron 27 os nenos e nenas que recolleron o diploma que acredita que asistiron a esta actividade formativa, que se iniciou no mes de outubro e que remata hoxe. A través deste curso, os rapaces adquiriron os coñecementos básicos para o manexo do ordenador.
Manuel Ferreiro destacou que “todos os nenos e nenas deben saber manexar un computador xa que dentro duns anos será algo fundamental para o seu traballo e para desenvolverse correctamente na súa vida diaria. Por iso é tan importante organizar cursos deste tipo, que introduce aos nenos na informática máis básica para que vaian adquirindo coñecemento neste eido e que poderán ampliar nos próximos cursos escolares”.
