O pasado 26 de febreiro, Nadir Moreira disputou o Campionato de España de Marcha por Federacións Autonómicas celebrado en Cieza, formando parte da selección galega que representou a nosa comunidade.

A atleta máster Puri Carreña acudiu ao Campionato de España Máster de pista cuberta, que tivo lugar en Antequera a fin de semana dos días 4 e 5 de marzo. Nel participou nas probas de 400 metros (conseguindo superar a súa mellor marca persoal), 60 metros e 800 metros.

Os días 25 e 26 de marzo, Nuno Castro, campión galego de probas combinadas en pista cuberta sub16 (hexatlón), representará ao club no Campionato de España de Pista Cuberta, que terá lugar en Ourense. Nesta ocasión disputará tamén a modalidade de hexatlón, que se compón das probas de 60 metros, salto de lonxitude, lanzamento de peso, salto de altura, 60 metros valos e 1000 metros).

Nuno Castro desprazarase tamén ata Castellón, onde o día 1 de abril tomará parte no Campionato de España de Lanzamentos Longos de Inverno. Alí competirá na proba de lanzamento de xavelina, logo de proclamarse campión galego o pasado 4 de marzo.